थाहानगरमा नेपाल सम्वत् ११३८ को स्वागत

नेवारी संस्कृति संरक्षणमा क्रियाशील संघसंस्था तथा समुहको आयोजनामा नेपालको मौलिक संवत् तथा राष्ट्रिय संम्वत नेपाल सम्वत ११३८ को स्वागतार्थ थाहानगरमा बृहत भिन्तुना मोटरसाइकल ¥याली गरिएको छ । 

पालुङ सांस्कृतिक सम्पदा संरक्षण समिती थाहा–२, पालुङको मुख्य आयोजना तथा पालुङ युवा समाज, थाहा–२ पालुङ, हातेमालो युवा समाज थाहा–२ पालुङ, ओखरबजार हितकारी श्रृजनशिल युवा समूह थाहा–१ र गोपाली सांस्कृतिक समुह थाहा–३, गोपालीगाउँको संयुक्त आयोजनामा कार्यक्रम भएको हो ।

स्वागत ¥याली पालुङको लाम्पाटीबाट सुरु भइ इन्द्राायणी चौर–ओखरबजार–थानाबजार–दोबाटो–शिखरकोट–गोपालिगाउँ–पसल चौर–फाँटबजार–फुलपाती चौर–महादेवस्थान–चाकचा पुल हुँदै पुनः लामपाटीमा नै आइ नेपाल संवत स्वागत सभामा परिणत भएको थियो । थाहा    नगरपालिकाका नगर प्रमुख लवशेर विष्टको प्रमुख आतिथ्यमा भएको नेपाल संवत् स्वागत सभा उपप्रमुख खड्ग बहादुर गोपाली विशेष अतिथी रहेका थिए । 

पालुङ सांस्कृतिक सम्पदा संरक्षण समितिका अध्यक्ष जंगली राजकुमार श्रेष्ठको सभाध्यक्षतामा भएको ¥याली समापन तथा नेपाल संवत स्वागत सभामा  वडा नं १ का अध्यक्ष हेरमान गोपाली, वडा नम्बर २ का अध्यक्ष  गुप्त बहादुर कार्कीलगायतको आतिथ्यता रहेको थियो ।

कार्यक्रम पालुङ युवा समाजका उपाध्यक्ष संजित श्रेष्ठले संचालन गरेका थिए । कार्यक्रमका सहभागी तथा अतिथीहरुलाई समाजका अध्यक्ष बिजय बिक्रम श्रेष्ठले स्वागत गरेका थिए । अध्यक्ष श्रेष्ठले कार्यक्रममा स्वागत गर्दै नेवारी भाषा र संस्कृतिको संरक्षणमा सबै एकजुट हुन आग्रह गरे । उनले संस्कृति संरक्षण सबैको प्राथमिकताको विषय बन्नुपर्नेमा जोड दिए । कार्यक्रममा बोल्दै इन्द्रायणी काला भैरब गूठीका अध्यक्ष श्याम भक्त श्रेष्ठले नेपाल सम्वत  नेवारीहरुको मात्रै सम्वत नभई आम नेपालीहरुको राष्ट्रिय सम्वत भएकोले यसको व्यापक प्रयोग र कामकाजी संवत् बनाउन आग्रह गरे । रेडियो आवजका स्टेशन मेनेजर राजेश श्रेष्ठले नेवारी भाषाको प्रयोगलाई बढोत्तरी गर्न आवश्यक रहेको औल्याए । नगर उपप्रमुख तथा कार्यक्रमका विशेष अतिथी खड्ग गोपालीले सांस्कृतिक संरक्षणमा सम्पुर्ण थाहा नगरबासी एकजुट हुनुपर्ने बताए । गोपालीले सांस्कृतिक    संरक्षणमा सहयोग गर्न नगरपालिका तयार     रहेको बताए । प्रमुख अतिथी थाहा नगरपालिकाका मेयर लवशेर बिष्टले थाहानगर सांस्कृतिक रुपमा धनी रहेको उल्लेख गर्दै त्यसमा पनि नेवारी समुदाय संस्कृति संरक्षणमा अघि रहेकमा प्रशंसा गरे । यस किसिमको परम्परागत र ऐतिहाँसिक कला संस्कृति संरक्षणमा ब्यक्तिगत रुपमा र नगरपालिकाको तर्फबाट पनि सहयोगको प्रतिवद्धता व्यक्त गरे । कार्यक्रममा २ नं वडा अध्यक्ष गुप्त बहादुर कार्कीले मौलिक पहिचान झल्काउँदै संस्कृति संरक्षण गर्ने उद्धेश्यले नेपाल सम्वतको अवसरमा नेवारी संस्कृति प्रदर्शन गरिएको बताए । उनले नेपाल सम्वतको स्वागतार्थ निकालिएको भिन्तुना ¥यालीले जातीय सद्भाव कायम राख्न सघाएको बताए ।  कार्यक्रममा ओखरबजार हितकारी श्रृजनशील युवा समूहका अध्यक्ष संजय प्रधान लगयतले शुभकामना मन्तव्य व्यक्त गरेका थिए ।

नेपालीको महान पर्व तिहार (दीपावली) अन्तर्गतको नेवारी समुदायमा प्रचलित म्हः पूजाको दिनदेखि नेपाल सम्वत (नयाँ वर्ष) प्रारम्भ हुने हुँदा नेपाल सम्वतको स्वागतार्थ हरेक वर्ष निकालिने ¥यालीलाई यस वर्ष पनि निरन्तरता दिइएको हो । ¥यालीमा सहभागीहरुले न्हुँ दया भिन्तुना लेखिएको ब्यानर, प्लेकार्ड तथा नेपाल सम्वतका प्रवर्तक संखधर साख्वाको फोटो राखेको प्लेकार्ड बोकेका थिए । कार्यक्रममा नेवार समुदायका पुरुषले दौरा सुरुवाल (कोथ्य लः) र महिलाले हाकुपटासी लगाएका थिए । कार्यक्रममा विभिन्न सांस्कृतिक झाँकी प्रदर्शन गरिएको थियो । यस किसमिको कार्यक्रम थाहानगरको बज्रवाराहीमा पनि आयोजना गरिएको थियो ।

नेपाल सम्बत राष्ट्रिय विभुती शंखधर साख्वाले चलाएका हुन् । साख्वाले तत्कालिन नेपाल भनेर चिनिने काठमाडौ, ललितपुर र भक्तपुरका जनताको ऋण तिररे नेपाल सम्वत चलाएका हुन् । सरकारले नेपाल सम्वतका प्रवर्तक साख्वालाई विक्रम सम्बत २०५५ सालमा राष्ट्रिय विभूति घोषणा गरेको थियो । नेपाल सम्वत् नेपालमै प्रादूर्भाव भएको मौलिक सम्वत हो ।

साभार:बिकासखबर