९५ वर्षीय दिदिले ८८ वर्षीय भाईलाई टिका लगाई दिएको तस्बिर भाइरल !
यमपञ्चक
अर्थात् तिहारको पाँचौंँ एवम् अन्तिम दिन शनिबार भाइटीका पर्व दिदीबहिनीले
दाजुभाइलाई श्रद्धा, आस्था र निष्ठाका साथ दीर्घायु, आरोग्य र ऐश्वर्य
प्राप्तिको कामना गर्दै परम्परानुसार पञ्चरङ्गी वा सप्तरङ्गी टीका लगाई
मनाइँयो ।
दिदीबहिनीले दाजुभाइलाई टीका लगाएपछि दाजुभाइबाट पनि दिदीबहिनीलाई टीका
लगाउने गरिन्छ । लक्ष्मीपूजाका दिन स्थापित दियो, कलश र गणेशको पूजा गरी
मूल थालीमा अष्टदल लेखी त्यसमा मार्कण्डेय, अश्वत्थामा, बलि, व्यास,
हनुमान, विभीषण, कृपाचार्य र परशुराम गरी अष्टचिरञ्जीवी स्थापना गरिन्छ ।
थालीमै चित्रगुप्त, यमराज, यमुना, धर्मराज र गणपत्यादि वनस्पत्यन्त
देवताको समेत पूजाआजा गरी दिदीबहिनीले दाजुभाइलाई तेलको धाराले छेकेर
सप्तरङ्गी वा पञ्चरङ्गी टीका, मखमली, सयपत्री र गोदावरीलगायत फूलका माला
लगाइदिने गरिन्छ ।
टीका लगाइदिएपछि दिदीबहिनीले दाजुभाइलाई ओखर, कटुस, मरमसला र
सेलरोटीलगायत खानेकुरा दिने र दाजुभाइले पनि दिदीबहिनीलाई गच्छेअनुसार
सौभाग्यका प्रतीक कपडा र दक्षिणा दिई सम्मान प्रकट गरिने धार्मिक एवम्
सामाजिक परम्परा छ ।
भाईटिका कै दिन ९५ वर्षीय दिदीले ८८ वर्षीय भाईलाई भाईटिका लगाएको तस्बिर अहिले सामजिक संजालमा भाइरल भएको छ ।
यो तस्बिर कहाँबाट कसले अपलोड गरि भाइरल भएको भन्ने थाहा भएको छैन । जहाँ जसले अपलोड गरे पनि उहा हरुलाई धेरै शुभकामना
