अन्तराष्ट्रिय फोटो आव्हानमा नेपालका तर्फबाट थाहानगरका गणेश विष्टको फोटो छनोटमा
थाहा । हेल्प एज इन्टरनेसनले ज्येष्ठ नागरिकहरुको फोटो आव्हान गरेकोमा नेपालका तर्फबाट थाहानगरका गणेश विष्टको सात वटा फोटो छनोटमा परेको छ । अन्तरराष्ट्रिय महिला दिवस २०२१ को अवसरमा हेल्प एजले ज्येष्ठ महिलाहरुको आर्थिक अधिकार र न्यायलाई केन्द्रिय बिषय मानेर फोटो आव्हान गरेको थियो ।
विभिन्न १० देशले सहभागिता जनाएको यस प्रतिस्पर्धामा नेपालबाट एजिङ नेपालसंग सम्बद्ध मकवानपुर थाहानगरका बिष्टले खिचेको ७ प्रारम्भिक छनोटमा परेको छ । ‘ज्येष्ठ महिलाहरुको आर्थिक अधिकार र न्याय’ अभियानमा मेरो समर्थन छ भन्ने, जनाउन एउटा हात माथि उठाएर खिचिएको फोटो विष्टले प्रतिस्पर्धाका लागि पठाएका थिए । विष्ट मकवानपुर थाहानगरबाट प्रकाशित थाहा टाइम्स डटकम र विकास खबरपत्रिकामा समेत आवद्ध छन् ।
अभियानमा नेपालको सबैभन्दा बढि विष्टले खिचेका ७ वटा, कम्ब्डियाका ५, फिलिपिन्सका ५, अर्जेन्टिनाका २, जोर्डनका ५, भियतनामका ४, केन्याका ४, इथियोपियाका ४, किर्गिस्तानका ३ र थाईल्याण्डका १ वटा फोटो छनोटमा छन् ।
