सचिन श्रेष्ठ स्मृति छात्रवृत्ति प्रदान
समाजका अध्यक्ष विजयविक्रम श्रेष्ठको अध्यक्षतामा भएको कार्यक्रममा साविक पालुङ गाविसका पूर्व अध्यक्ष तथा समाजसेवी श्यामभक्त श्रेष्ठको प्रमुख आतिथ्यता
रहेको थियो । कार्यक्रममा बोल्दै समाजका अध्यक्ष श्रेष्ठले गतवर्ष भन्दा यसवर्ष छात्रवृत्ति वितरणको कार्यक्रमलाई विस्तार गरी वडास्तरीय कार्यक्रम बनाइएको र आगामी दिनमा अझै विस्तार गर्दै अघि बढ्ने बताए । कार्यक्रममा स्थानिय समाज सेवी राजु नापित, स्व। सचिन श्रेष्ठ स्मृति छात्रबृति कोषका संरक्षक तथा स्व। सचिन श्रेष्ठका पिता सम्पूर्ण श्रेष्ठ, मत्स्यनारायण माविका शिक्षक दिपेन्द्रराज प्रधान, सरस्वति आधारभुत विद्यालयका शिक्षिका सन्तोषि बस्नेतलगायतको आतिथ्यता रहेको थियो । भातृत्व, सामाजीक उत्तरदायित्व र सहकार्यको मुलनारा सहित २०७३ सालमा स्थापना भएको पालुङ युवा समाजले रोजगारीको सिलसिलामा कोरियामा तिन वर्ष पहिले मृत्यु भएका थाहा नगरपालिका–२ पालुङका सचिन श्रेष्ठको स्मृतिमा स्व। सचिन श्रेष्ठ स्मृति छात्रबृत्ति कोषमार्फत छात्रवृत्ति प्रदान गर्दै आइरहेको छ ।
