अण्डा शाकाहारी कि मांसाहारी ? यसो भन्छ वैज्ञानिक अनुसन्धानको नतिजा

संसारका यस्ता कयौं सवालहरु छन्, जसलाई हामीले बाल्यकालदेखि नै सुन्दै आएका छौं । तर, पनि अहिलेसम्म हामीलाई त्यसको जवाफ थाहा छैन । जस्तो, अण्डा जेठो कि कुखुरा ? तर, हामी आज यस्तो प्रश्नको जवाफ खोज्न गइरहेका छौं, त्यसको पनि लामो समयदेखि मानिसहरुलाई जवाफ मिलिरहेको छैन- अण्डा शाकाहारी कि मांशाहारी …

कयौं शाकाहारी मानिसहरु अण्डलाई मांशाहारी सम्झिएर खाँदैनन् । उनीहरुको तर्क हुने गर्दछ, अण्डाले चल्ला दिन्छ, यसकारण यो मांशाहारी हो । तर, कुरा यस्तै हो भने त दूध पनि त जनावरबाट नै निस्कन्छ, त्यो कसरी शाकाहारी हुन्छ ? यदि तपाईंलाई यस्तो लाग्छ कि अण्डाले चल्ला दिन्छ, यसकारण यो मांशाहारी हो भने तपाईंले यो पनि थाहा पाउन जरुरी छ कि बजारमा पाइने प्रायः अण्डाहरु अनफर्टिलाइज्ड हुन्छन् अथवा चल्ला कोरल्न सक्ने हुँदैनन् ।

यो गलत धारणा वा बुझाईको अन्त्य गर्नको लागि वैज्ञानिकहरुले पनि वैज्ञानिक ढंगले यसको जवाफ दिने प्रयास गरेका छन् । उनीहरुको अनुसार अण्डा शाकाहारी हो ।

त्यसो त, प्रायः सबैलाई थाहा छ कि अण्डाको तीन भाग हुन्छ- बोक्रा, सेतो भाग र पहेंलो भाग । अनुसन्धानका अनुसार, अण्डाको सेतो भागमा केवल प्रोटिन मात्र हुन्छ । त्यसमा जनावरको कुनै पनि भाग हुँदैन । यसर्थ, प्राविधिकरुपमा अण्डा ह्वाइट भेजिटेरियन अर्थात् मासुरहित हुन्छ ।

अण्डाको पहेंलो भाग
अण्डाको सेतो भागमा जस्तै पहेंलो भागमा पनि धेरै नै प्रोटिन, कोलेस्ट्रोल र चिल्लो पदार्थ हुन्छ । तर, जुन अण्डा भाले र पोथीबीचको शारीरिक सम्पर्कपछि परेको हुन्छ, त्यसमा गैमिट सेल्स हुन्छ, जसले त्यसलाई मांशाहारी बनाउँछ ।

कुखुराले कसरी दिन्छ अण्डा ?

पोथी कुखुराले ६ महिनाको भएपछि हरेक एक वा डेढ दिनमा अण्डा दिइरहन्छ । अण्डा दिनलाई पोथी कुखुरा भालेको सम्पर्कमा आउनु पर्दैन । यस्तै अण्डालाई नै अनफर्टिलाइज्ड अथवा बतासे अण्डा भनिन्छ । यस्तो अण्डाबाट चल्ला कोरलिन्न । यसकारण, यदि तपाईंले अहिलेसम्म अण्डलाई मांशाहारी भन्ने ठानिरहनु भएको छ भने यसलाई पुनर्विचार गर्ने कि ?